काठमाडौं, साउन १७।
संसदीय सुनुवाई विशेष समितिले २२ देशका लागि सरकारले प्रस्ताव गरेको राजदूतको सुनुवाई भोली देखि सुरु गर्ने तयारी गरेको छ ।
समितिले भोली बिहान बस्ने पहिलो बैठकमा उजुरीकर्तासँग छलफल गर्ने र दोस्रो बैठकबाट सुनुवाई थाल्ने निर्णय गरेको समिति सदस्य अनिताकुमारी परियारले जानकारी दिनुभयो ।
सरकारले गएको वैशाखमा २२ देशका लागि राजदूत तथा स्थायी प्रतिनिधि सिफारिस गरेको थियो । २२ मध्ये आठ जना परराष्ट्र सेवाबाट छन् भने बाँकी राजनीतिक भागण्डाका आधारमा सिफारिस गरिएको छ ।
भोली सुनुवाईका लागि परराष्ट्र सेवाका चार जनालाई बोलाइएको परियारले जानकारी दिनुभयो । यस्तै समितिले राजदूतको संसदीय सुनुवाई नभई एग्रिमो नपठाउन सरकारको ध्यानाकर्षण गराउने निर्णय गरेको छ ।
सरकारले प्रस्तावित राजदूतको सुनुवाई नै नभई एग्रिमो पठाउने निर्णय गरेको खुलासा भएपछि आज समितिले मुख्य सचिव सोमलाल सुवेदीलाई बोलाएर सोधपुछ गरेको हो ।
सुवेदीले सुनुवाई समिति नबनेका बेला एग्रिमो पठाउने निर्णय भए पनि कार्यान्वयन नभएको जानकारी गराउनुभएको थियो ।
