काठमाडौं, साउन १६ ।
प्रमुख दलका शीर्ष नेताहरुले सहमतीय सरकारको सम्भावना नरहेको भन्दै अब बहुमतीय प्रक्रिया सुरु गर्न राष्ट्रपति विद्यादेवी भण्डारीलाई सुझाव दिएका छन् ।
राष्ट्रपति भण्डारीले सहमतीय सरकार गठनका लागि दिएको समयसीमा सकिनै लाग्दा आज दलहरुबीच भएको सहमतिको प्रयासबारे जानकारी लिन प्रमुख दलका शीर्ष नेताहरुसँग गरेको छलफलका क्रममा उनीहरुले यस्तो सुझाव लिएका हुन् ।
छलफलमा शीर्ष नेताहरुले सहमतीय सरकार गठन हुने सम्भावना नरहेको बताएका थिए ।
नेताहरुले सोमबार संसद् बैठक सुरु हुनुअघि ३ बजेसम्म सहमतिको प्रयास जारी राख्ने तर त्यसबीचमा सहमति नभए बहुमतीय प्रक्रिया अघि बढाउन आग्रह गरेको जनाईएको छ ।
त्यस क्रममा राष्ट्रपति भण्डारीले संविधान कार्यान्वयनका विषयमा दलहरुलाई मिलेरै अघि बढ्न सुझाव दिनुभएको थियो ।
राष्ट्रपति भण्डारीले कांग्रेस सभापति शेरबहादुर देउवा, एमाले अध्यक्ष केपी शर्मा ओली, माओवादी केन्द्रका अध्यक्ष पुष्पकमल दाहाल, फोरम लोकतान्त्रिकका अध्यक्ष विजयकुमार गच्छदार र राप्रपा नेपालका अध्यक्ष कमल थापालाई बोलाएर छलफल गर्नुभएको हो ।
