काठमाडौ, १५ साउन ।
नेपाल विद्यार्थी संघको असन्तुष्ट पक्षले आजदेखि आमरण अनशन सुरु गर्ने भएको छ । कांग्रेस केन्द्रीय कार्यालय सानेपामा यसअघि रिले अनशन बस्दै आएकाहरुले आज दिउँसोदेखि आमरण अनशन सुरु गर्न लागेका हुन् ।
नेविसंघको महाधिवेशन प्रतिनिधि र जिल्ला नेतृत्वहरु नेताहरुको भागबन्डाको आधारमा छनोट गरिएको भन्दै कुन्दनराज काफ्ले नेतृत्वको समूह असन्तुष्ट रहेको छ ।
रिले अनशनको छैठौ दिन भइ सक्दा पनि आफूहरुको माग प्रति वेवास्ता गरेकाले आमरण अनशन बस्न बाध्य भएको नेविसंघका महामन्त्रीका दावेदार डिल्लीराम सुवेदीले बताउनु भयो ।
असन्तुष्ट पक्षले यही साउन ९ गतेदेखि कांग्रेस केन्द्रीय कार्यालय सानेपा परिसरमा पाल टाँगेर रिले अनशन सुरु गरेको थियो ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
