काठमाडौं, साउन १४ ।
प्रधानमन्त्री केपी ओलीले असल छिमेकी हुनुको नाताले नेपालको आन्तरिक मामिलामा कुनैपनि मुलुकले हस्तक्षेप गर्न नमिल्ने बताउनु भएको छ ।
राजधानीमा आज मदन भण्डारी फाउन्डेसनले गरेको कार्यक्रममा बोल्दै ओलीले नेपालले दुई छिमेकीमुलकबाट सार्वभौम र सम्मानपूर्ण सम्बन्ध चाहेको बताउनु भयो ।
उहाले नेपालले एउटा छिमेकीलाई नजिक र अर्कोलाई टाढा राखेर व्यवहार नगर्नेसमेत स्पस्ट पार्नुभयो ।
कुटनीतिक सम्बन्धलाइ नेपालको आवश्यकताअनुसार परिस्कृत गर्दै लैजानुपर्नेमा जोड दिँदै प्रधानमन्त्री ओलीले छिमेकीसँगको पारस्परिक हितको सम्बन्धलाई सरकारले उच्चमहत्व दिएको पनि बताउनु भयो ।
कार्यक्रममा एमाले नेता माधवकुमार नेपालले ाजनीतिक, आर्थिक, सामाजिक र व्यापारिक दृष्टिकोणले दुबै मुलुकको नेपालसँग घनिष्ठ सम्बन्ध रहेको भन्दै उनले दुबै मुलुकको सम्बन्धको विषयलाई विवादित बनाउन नहुने बताउनु भयो ।
दुबै छिमेकी मुलुकसँगको सम्बन्ध सन्तुलित हुनुपर्नेमा उहोको जोड छ ।
नेकपा माओवादी केन्द्रका उपाध्यक्ष नारायणकाजी श्रेष्ठ,नेपाली कांग्रेसकी नेत्री सुजता कोइराला र फोरम लोकतान्त्रिकका नेता जितेन्द्र देवले मुलुकको सार्वभौमिकता र राष्ट्रियहितलाई केन्द्रमा राखेर दुई मुलकसँगको सम्बन्धलाई प्रगाढ बनाउनुपर्नेमा जोड दिनुभएको थियो ।
