काठमान्डौ,साउन १३।
सर्वाेच्च अदालतका लागि संसदीय विषेश सुनुवाई समितिले सिफारिस गरेकोे ५ जना न्यायधिशको सुनुवाई आज हुदै छ ।
सुनुवाई समितिले न्यायपरिषद्बाट सर्वाेच्चको लागि स्थायी न्यायधीसमा सिफारिस गरेका ११ मध्ये ५ जनाको सुनुवाई आज हुन लागेको हो ।
अहिले केहि वेरपछि सिंहदरवारमा बस्ने बैठकले प्रस्तावित न्यायधीसमा इश्वर खतिवडा,आनन्दमोहन भट्टराई,प्रकाश रावत,सपना प्रधान मल्ल र अनिल सिन्हाको सुनुवाइ गर्ने समितिले जनाएको छ ।
सर्वोच्चको न्यायाधीशमा प्रस्तावित हुनुभएका ११ मध्ये ६ न्यायाधीश दीपककुमार कार्की,केदारप्रसाद चालिसे, शारदाप्रसाद घिमिरे, मीरा खड्का, हरिकृष्ण कार्की र विश्वम्भरप्रसाद श्रेष्ठको सुनुवाइ हिजो सकिएको छ ।
सिफारिस भएका सबैको सुनुवाई सकिएपछि समितिले निर्णय गर्ने सभापति कुलबहादुर गुरुङले जानकारी दिनुभयो ।
सर्वोच्च अदालतको न्यायाधीशका लागि पुनरावेदन अदालतका सातजना न्यायाधीश र चारजना वरिष्ठ अधिवक्ताको नाम न्याय परिषद्ले प्रस्ताव गरेको थियो ।
