काठमाडौ ११ साउन ।
व्यवस्थापिका संसदको बैठक आज बस्दैछ । बिहान ११ बजेपछि बस्ने बैठकमा राष्ट्रपति विद्यादेवी भण्डारीले हिजो जारी गर्नुभएको बाधा अड्काउ फुकाउ आदेश अनुमोदनका लागि पेश गर्ने कार्यसुची रहेको संसद सचिवालयले जनाएको छ ।
मन्त्री परिषदको सिफारिसमा हिजो राष्ट्रिपति भण्डारीले संविधानकाने धारा ३ सय ५ प्रयोग गर्दै नयाँ सरकार गठनको बाटो सहज बनाउन बाधा अड्काउ फुकाउ आदेश जारी गर्नुभएको थियो ।
राष्ट्रपतिबाट त्यस्तो आदेश जारी भएपछि तत्काल बस्ने संसद बैठकमा अनुमोदनका लागि पेश गर्नुपर्ने संवैधानिक प्रावधान रहेको छ ।
सोही अनुसार आजको बैठकमा सभामुख ओनसरी घर्तीले बाधा अड्काउ फुकाउ आदेश सम्बन्धी राष्ट्रपतिबाट पत्र पढेर सुनाउने र निर्णयार्थ प्रस्तुत गर्ने तयारी भएको संसदका सहयक प्रवत्ता सुदर्शन कुइँकेलले जानकारी दिनुभयो ।
आजको संसद बैठकमा अर्थ र उद्योग वानिज्य समितिको प्रतिवेदनका विषयमा समेत छलफल गर्ने कार्यसुची रहेको सचिवालयले जनाएको छ ।
