काठमाण्डौ ,८ साउन ।
चिकित्सा क्षेत्रमा सुधारका लागि अनशनमा बसेको १४ दिनसम्मपनि प्रा. डा. गोविन्द केसीका माग संबोधन नभएको भन्दै कंग्रेस र राप्रपा नेपालका सांसदले संसदको ध्यानाकर्षण गराएका छन् ।
संसद बैठकमा जारी अविश्वासको प्रस्तावमाथिको छलफलका क्रममा काग्रेसका रमेश लेखक र राप्रपा नेपालका सुशिल कुमार श्रेष्ठले केसीको माग सम्वोधनका लागि संसदले आवाज उठाउनुपर्ने माग गरेका हुन् ।
राप्रपा नेपालका श्रेष्ठले डा. केसीको माग प्रति समर्थन जनाउँदै संसद जिम्मेवार नभएको आरोप लगाउनुभयो । केसीको मागप्रति छलफल गरी स्वास्थ्य क्षेत्रको सम्पुर्ण बेथिति हटाउनुपर्ने उहाँको भनाई थियो ।
कंग्रेसका लेखकले विगतको सरकारले डा. केसीको मागबारे प्रतिवद्धता जनाएपनि ओली नेतृत्वको सरकार मौन बसेको टिप्पणी गर्नुभयो ।
नागरिकको पक्षमा काम गरेको भनिएको सरकारले डा. केसीको आन्दोलनमा मुख नखोल्नु अनौठो भएको उहाको भनाई छ ।
