काठमान्डौ ,८ साउन ।
व्यवस्थापिका संसदको बैठकमा प्रधानमन्त्री विरुद्ध काग्रेस माओवादी गठबन्धनले दर्ता गरेको अविस्वासको प्रस्तावमाथि आज पनि छलफल जारी छ ।
दोस्रो दिनको छलफलमा भाग लिदै काग्रेसका सांसद रमेश लेखकले संबिधान कार्यान्वयनको एजेण्डा महत्वपूर्ण भएपनि ओली नेतृत्वको सरकार गम्भिर नभएको आरोप लगाउनु भयो ।
मधेशी मोर्चा संसद बैठकमा सहभागी भएको बिषयलाई अन्यथा लिन नहुने भन्दै लेखकले गलत टिप्पडि नगर्न आग्रह गर्नुभयो ।
यस्तै एमाले नेता तथा सांसद माधव कुमार नेपालले दलहरुबीच बढेको अबिश्वासका कारण मुलुकमा समस्या उत्पन्न भएको धारणा राख्नुभयो ।
मुलुकलाई संस्थागत रुपमा चलाउने प्रबृत्ति नभएकै कारण समस्या उत्पन्न भएको भन्दै उहाले राष्ट्रिय सहमतीमा जोड दिनुभयो ।
नेता नेपालले सबै पार्टीहरुमा गुटबन्दी हावी भएको भन्दै आफ्नै पार्टीका अध्यक्ष एवं प्रधानमन्त्री केपी ओलीलाई समेत कटाक्ष गर्नुभयो ।
नेता नेपालले अहिले राष्ट्रिय सहमतिको आवश्यकता भएको भन्दै सरकारबाट बाहिरिने माओवादीको निर्णयलाई दुभाग्यपूर्ण भएको बताए ।
आज छलफल भए पछि भोली प्रधानमन्त्री केपी शर्मा ओलीले सदनमा उठेका प्रश्नहरुको जवाफ दिनु हुने छ ।
त्यसपछि भोली नै प्रधानमन्त्रीको पक्ष विपक्षमा सदनमा मतदान हुने छ ।
अविश्वास प्रस्ताव पारित हुन संसदमा २ सय ९८ मत आवश्यक पर्छ । माओवादी–कंग्रेस गठबन्धनले आफ्नो पक्षमा ३ सय ४१ सदस्य तयार भएको दावी गरेको छ ।
