काठमाण्डौ ,७ साउन । कार्यसुचीमा सहमती जुटेपछि ब्यावस्थापिका संसद बैठक अहिले बसिरहेको छ । नयाँ बानेश्वरस्थीत संसद भवनमा जारी बैठकमा अहिले आश्रित विधेयकमाथि छलफल भईरहेको छ ।
आर्थिक बिधेयकमाथिको छलफल सकिएपछि अविश्वास प्रस्तावमाथि छलफल हुने छ । अहिले अर्थमन्त्री विष्णु पौडेलले आर्थिक बिधेयकमाथि उठेका प्रश्नमाथि जवाफ दिईरहनुभएको छ ।
बैठकको सुरुमा सभामुख ओनसरी घर्तीले माओवादी केन्द्रले सरकार छाडेपछि मन्त्रीहरुको जिम्मेवार हेरफेरबारेको पत्र पढेर सुनाउनु भएको थियो ।
त्यसलगत्तै लेखा समितिका सभापति जनार्दन शर्माले सार्वजनिक लेखा समितिको १८ औ प्रतिवेदन २०७३ पेश गर्नुभएको छ ।
काग्रेस र माओवादी केन्द्रले बैठकमा निर्णयार्थ पेस हुने बजेटसम्बन्धी आर्थिक विधेयकको विपक्षमा मतदान गर्ने भएका छन् । सरकारले ल्याएको आर्थिक बिधेयक , राष्ट्र रिण उठाउने तथा रिण तथा जमानत बिधेयक केहिबेरमा प्रस्तुत हुनेछ ।
बिनियोजन बिधेयक पारित भएपनि बाकी रहेका तीन वटा आश्रीत विधेयक अस्वीकार गर्ने तयारी काग्रेस र माओवादीले गरेका हुन् ।
पार्टी सरकारबाट बाहिरिइसकेकाले सरकारले पेस गरेका आर्थिक विधेयकको विपक्षमा मतदान गर्ने केन्द्रका नेता नारायणकाजी श्रेष्ठले जानकारी दिनुभयो ।
यसअघि कार्यसुचीकै कारण पटक पटक स्थगित भएको संसद बैठक प्रमुख दलहरुवीच बजेटसँग सम्वन्धित विधेयक र प्रधानमन्त्री केपी ओलीविरुद्धको अविश्वास प्रस्ताव आजै सदनमा छलफल शुरु गर्ने सहमती भएपछि सुचारु भएको हो ।
बैठकको सुरुमा आश्रित विधेयकमाथि छलफल हुने र सो बिधेयकको टुङ्गो लागेपछि अविश्वास प्रस्तावमाथिको छलफल अघि बढाउने सहमति भएको थियो ।
यसैबीच नेकपा माओवादी केन्द्रका नेता कृष्णबहादुर महराले आर्थिक विधेयकको औचित्य नभएको बताएका छन् ।संसद बैठकमा बोल्दै महराले सरकारलाइ दिएको समर्थन फिर्ता लिइसकेकाले विधेयकको औचित्य नभएको बताउनु भयो । अविश्वासको प्रस्ताव पेश भइसकेपछि सरकारका अन्य क्रियाकलापको अर्थ नहुने उहाले बताउनु भयो ।
माओवादी केन्द्रले यसअघि नै बजेट आश्रित विधेयकलाई संसदबाट फेल गराउने निर्णय गरेको थियो ।
