काठमाण्डौ ,७ साउन ।
कार्यसुचीमा सहमती जुटेपछि ब्यावस्थापिका संसद बैठक अहिले केहिबेरमा बस्दै छ ।
प्रमुख दलहरुवीच दुबै कार्यसुची बजेटसँग सम्वन्धित विधेयक र प्रधानमन्त्री केपी ओलीविरुद्धको अविश्वास प्रस्ताव आजै सदनमा छलफल शुरु गर्ने सहमती भएपछि बैठक बस्न लागेको हो ।
बैठकको सुरुमा आश्रित विधेयकमाथि छलफल हुने र सो बिधेयकको टुङ्गो लागेपछि अविश्वास प्रस्तावमाथिको छलफल अघि बढाउने सहमति भएका छ ।
दुई पक्षले आफ्नो अडान नछाडेपछि दलहरुले एकैदिन आश्रित विधेयक र अविश्वास प्रस्ताव अघि बढाउने सहमति गरेका हुन् । माओवादीले भने आश्रित विधेयकको विपक्षमा मतदान गर्ने स्रोतको भनाई छ ।
यसअघि कांग्रेस, माओवादी र मधेसी मोर्चाले अविस्वासको प्रस्ताव फिर्ता नलिने निर्णय गरेका थिए । आज बिहान काग्रेस माओवादी र मोर्चाका नेताहरुको बैठक बसेर त्यस्तो निर्णय गरेका हुन् ।
सिंहदरवारमा बसेको तीन पक्षको बैठकले कंग्रेस नेता रामचन्द्र पौडेलले अघि सारेको सहमतिको प्रस्ताव अस्वीकार गर्दै अविश्वास प्रस्ताव कायम राख्ने निर्णय गरेको हो ।
बैठकपछि कंग्रेस नेता विमलेन्द्र निधिले अविश्वास प्रस्ताव कुनै हालतमा फिर्ता नलिने निर्णय भएको जानकारी दिनुभयो ।
