काठमाण्डौ ,६ साउन ।
कार्यसुचीका बिषयमा दलहरुबीच सहमती नहुँदा ब्यावस्थापिका संसदको बैठक दिउसो सम्मका लागी स्थगीत भएको छ ।
नयाँ बानेश्वर स्थित संसद भवनमा बिहान ११ बजेका लागी बोलाईएको बैठकमा सरकार बिरुद्धको अविश्वास प्रस्तावमाथि छलफल गर्ने कार्यसुची रहेपनि सत्ता नेतृत्वकर्ता दल एमालेले बिरोध जनाएपछि बैठक स्थगित भएको हो ।
शुक्रवार कार्यसुचीमा रहेको वजेट आश्रीत विधेयक हटाएर अविश्वास प्रस्तावमा छलफल गर्ने गरी बैठक आह्वान गरेपछि एमालेले आप्पती जनाएको छ । उता काग्रेसले भने आज अविश्वासको प्रस्तावमाथि नै छलफल गर्ने अडान राखेको छ ।
कुन एजेण्डामा छलफल गर्ने भन्ने विषयमा सत्तारुढ दल नेकपा एमाले र विपक्षी दलहरुबीच विवाद कायम रहेकाले बैठक दिउसो दुई बजेसम्मका लागी स्थगित गरिएको हो ।
पहिले विधेयक पारीत गर्नु पर्ने भन्द सत्तारुढ एमालेले यदि त्यसो नभए संसद चल्न नदिने निर्णय गरेको छ । काग्रेस माओवादी गठबन्धनले भने पहिले अविस्वासको प्रस्तावमाथि छलफल हुनु पर्ने अडान कायम राख्दै आएका छन् ।
गत असार २९ गते नै कार्यसुचीमा प्रवेश गरिसकेको आश्रीत विधेयकलाई झिकेर आज बस्ने संसद बैठकमा अविश्वासको प्रस्ताव पेश गर्ने कार्यसुची राखिएको छ ।
यसैविच संसदको कार्यसूचीमा सहमति जुटाउन सभामुख ओनसरी घर्तीमगरले प्रमुख तीन दलका शीर्ष नेताहरुसँग छलफल गर्नुभएपनि ठोस सहमती नभएपछि तीन दलबीच दिउसो पुन छलफल गर्ने निर्णय भएको छ ।
कार्यसुचीमा देखिएको बिबाद समाधानका लागी दिउसो १ बजे पुन प्रमुख दलबीच छलफल गर्ने निर्णय भएको सभामुखका प्रस सल्लाहकार वविन शर्माले जानकारी दिनुभयो ।
