काठमाण्डौ, ४ साउन ।
सत्ताको नेतृत्वकर्ता दल नेकपा एमालेले संविधान किार्यान्वयनका लागी राष्ट्रिय सहमति बनाएर अघि बढन आव्हान गरेको छ ।
सरकार परिवर्तनको दलीय प्रयास तीव्र बनिरहेका बेला आज बसेको एमाले स्थायी समिति बैठकले संबिधान कार्यान्वयनका लागि दलहरुबीच सहमति आवश्यक रहेको निष्कर्ष निकाल्दै सोहि आधारमा सहमति निर्मााण गर्न आव्हान गरेको हो ।
वालुवाटारस्थित प्रधानमन्त्री निवासमा बसेको बैठकपछि विज्ञप्ती जारी गर्दै सचिव योगेश भट्टराइले संसदमा दर्ता भएको अविश्वास प्रस्तावको एकतावद्ध भएर सामना गर्ने निर्णय समेत भएको जानकारी गराउनु भएको छ ।
आफ्नो पार्टी लोकतान्त्रिक मुल्य मान्यता र परिपाटी तथा संविधानले निदृष्ट गरेको व्यवस्था अनुरुप आउने जुनसुकै परिणामलाई स्वीकार गर्ने पनि एमालले स्पष्ट पारेको छ ।
एमालेले संसदलाई राजनीतिक ध्रुबिकरणको थलो नबनाउन समेत अन्य दललाई आग्रह गरेको छ ।
नेताहरुले नयाँ सरकार गठनका सम्बन्धमा संविधानमा स्पस्ट उल्लेख नभएको भन्दै यही अवस्थामा अर्को सरकार बन्नै नसक्ने तर्क गरेका थिए । सरकार परिवर्तनको खेल संविधान कार्यान्वयन हुन नदिने षड्यन्त्रकै एकरुप रहेको एमालेको ठहर छ ।
