काठमान्डौ, ३ साउन ।
नेकपा माओवादी केन्द्रले ६० जना पोलिटब्यूरो सदस्य छनौट गर्ने जिम्मा पार्टी अध्यक्ष पुष्पकमल दाहाल प्रचण्डलाई दिएको छ ।
लाजिम्पाटस्थित अध्यक्ष पुष्पकमल दाहालको निवासमा आज विहान बसेको पार्टी हेडक्वाटर बैठकले यस्तो निर्णण गरेको हो ।
बैठकले पोलिटव्यूरो सदस्यमा रिक्त रहेका ७७ मध्ये ६० जना तत्काल मनोनित गर्ने निर्णय गरेको छ । जसका लागि सदस्य छनौट गर्ने जिम्मा पार्टी अध्यक्ष दाहाललाई दिइएको प्रवक्ता पम्फा भुसालले जानकारी दिनुभयो ।
यो सँगै माओवादी केन्द्रिय कार्यलय ३३, सचिवालय ९९ र पोलिटब्युरो २ सय ९९ सदस्यीय हुनेछ । माओवादीले यसअघि नै एक हजार चार सय ९९ सदस्यीय जम्बो महाधिवेशन आयोजक समिति गठन गरिसकेको छ ।
यसअघि हिजोको बैठकमा सरकारलाई दिएको समर्थन फिर्ता लिएको भन्दै केही नेताले आपत्ती जनाएका थिए । अध्यक्ष दाहालले पार्टीमा आन्तरिक रुपमा छलफल नै नगरी एकलौटी रुपमा गठबन्धन तोडेको उनीहरुको आरो थियो ।
