काठमाण्डौ , २ साउन ।
नया सरकार गठनको प्रक्रिया सुरु नहुदै नेपाली काग्रेसभित्र मन्त्रालय भागबन्डाको किचलो सुरु भएको छ ।
कंग्रेस नेता रामचन्द्र पौडेल पक्षले नयाँ सरकारमा मन्त्री पठाउने लगायतका विषयमा निर्णय गर्न यथासिघ्र केन्द्रिय कार्यसमिति बैठक बोलाउन सभापति शेरबहादुर देउवाको ध्यानाकर्षण गराएको छ ।
संस्थागत निर्णयबाट सरकारमा पठाउने व्यक्ति सिफारीस गर्नुपर्ने माग गर्दै नेता पौडेल सहित कोषाध्यक्ष सीतादेवी यादव, नेता रामशरण महत लगायतका नेताहरु बुढानीलकण्ठस्थित देउवा निवास पुगेका थिए ।
यस्तै पौडेल पक्षले केन्द्रिय समिति तथा विभागलाई छिटो पूर्णता दिन नेतृत्वको ध्यानाकर्षण गराएको थियो ।
भेटमा प्रधानमन्त्री केपी ओली नेतृत्वको सरकारविरुद्ध अविश्वासको प्रस्ताव दर्ता भएपछि उत्पन्न राजनीतिक घटनाक्रम र त्यसको सामनाका लागि पार्टीको संस्थागत धारणा केन्द्रिय समिति बैठक मार्फत तय गर्ने विषयमा समेत छलफल भएको थियो ।
