काठमाण्डौ ,३१ असार ।
मन्त्रिपरिषदको बैठकले सरकारविरुद्ध संसदमा पेश भएको अविश्वासको प्रस्तावको सामना गर्ने निर्णय गरेको छ ।
आज बसेको मन्त्रिपरिषद बैठकले अहिलेको परिस्थितिको संवैधानिक व्यवस्थाअनुसार सामना गरेर अघि बढ्ने निर्णय गरेको सन्चारमन्त्री तथा सरकार प्रवक्ता शेरधन राईले जानकारी दिनुभयो ।
सरकारको प्रमुख घटक नेकपा माओवादी केन्द्रले समर्थन फिर्ता लिएपछि आज मन्त्रिपरिषद बैठक बसेको थियो ।
मन्त्रिपरिषद बैठकले आदित्य प्रतिष्ठानलाई एक करोड रुपैयाँ दिने निर्णय गरेको छ । गुगल बोईका रुपमा परिचित आदित्य दाहालको संरक्षणका लागी भन्दै स्थापित प्रतिस्ठानलाई यति ठुलो रकम दिने निर्णय गरेको हो ।
यस्तै बैठकले लगानी बोर्डको सदस्यमा भवानी राणा र राजेशकाजी श्रेष्ठलाई नियुक्त गरेको छ । रिण असुली न्यायधिकरण सदस्यमा मानबहादुर अर्याल नियत्त भएका छन् ।
बैठकले बाँकेबाट लिएको चार भारतीयको नागरिकता खारेज गरेको छ भने नागरिकता दिनेमाथि छानविन गर्ने पनि निर्णय गरेको छ ।
