असार ३१ काठमाण्डौं ।
सर्लाहीमा ठूलो संख्यामा रहेका सुकुम्बासीहरुमाथि दमन गरिएको भन्दै विप्लव माओवादीले साउन १० गते विरोध स्वरुप नेपाल बन्दको घोषणा गरेको छ ।
आज राजधानीमा पत्रकार सम्मेलन गरी माओवादी प्रवक्ता खड्ग बहादुर विश्वकर्मा ( प्रकाण्ड ) ले सुकुम्वासी माथि अलोकतान्त्रिक तरीकाले हस्तक्षेप गरिएको भन्दै यो तत्काल नरोकिए कडा प्रतिवाद गर्ने चेतावनी दिनु भयो ।
साउन २ गते चक्का जाम, ३ गते अन्तरक्रिया, ५ गते जनप्रदर्शन, मानवअधिकारकर्मीहरुको परिचालन लगायतका कार्यक्रम सहित बन्दको घोषणा गरिएको हो ।
असार २१ गते सर्लाहीको सारनाथ वन परियोजनको क्षेत्रमा ठूलो संख्यामा प्रहरी परिचालन गरी सुकुम्वासीको घर, सवारी साधन नष्ट पार्नुका साथै झडपमा २५ जना घाईते भएको सुकुम्वासीहरुले बताएका छन् ।
सो क्षेत्रमा ४ हजार घर परिवारको हाराहारीमा सुकुम्वासीहरु २०५० साल देखि बस्दै आएका छन् ।
