असार ३० काठमाण्डौं । नेपाल दुर सञ्चार प्राधिकरणमा कार्यरत दुई दर्जन बढी कर्मचारीहरुले प्राधिकरणको कोषको पैसा सञ्चालक समितिले सरकारी कोषमा बुझाएको भन्दै आन्दोलन शुरु गरेका छन् ।
उनीहरुले प्राधिकरणको कार्यलयको मुल ढोकामै धर्ना बसेर प्राधिकरणका सञ्चालक समितिका पदाधीकारीहरुको राजीनामा माग गरेका छन् ।
उनीहरुले आईसीटीको वर्तमान युगमा दुर सञ्चारको क्षेत्रमा लगानी बढाएर सेवा विस्तार एवं विकासका लागि खर्च गर्नुको सट्टा रकम सरकारमा रकम बुझाएकोमा आफूहरुको विरोध रहेको स्वतन्त्र कर्मचारी युनियनका अध्यक्ष अच्युता नन्द मिश्रले बताउनु भयो ।
तर नेपाल दुर सञ्चार प्राधिकरणका अध्यक्ष दिगम्बर झाले प्राधिकरणले आवस्यक क्षेत्रमा बजेट परिचालन गरीरहेको र १८ वर्षको ईतिहासमा कोषमा जम्मा भएको रकम देशको विकासको हितमा खर्च होस भनेर सरकारलाई बुझाउनु लाई गलत तरीकाले व्याख्या गर्न नहुने बताउनु भयो ।
उहाले प्राधिकरण पनि सरकारी निकाय भएकोले ऐनमै भएको व्यवस्था बमोजिम नै रकम पिर्ता गरिएको बताउनु भयो ।
