काठमामण्डौ, ३० असार ।
नेकपा एमालेले नेपाली कंग्रेस र नेकपा माओवादी केन्द्रले सरकार विरुद्ध संसदमा दर्ता गरेको अविश्वासको प्रस्तावको सामना गर्ने निर्णय गरेको छ ।
नया‘ बानेश्वरस्थित संसद भवनमा बसेको एमाले संसदीय दलको बैठकले प्रधानमन्त्री केपी ओलीले राजीनामा नदिई अविश्वासको प्रस्तावको सामना गर्ने निर्णय गरेको एमाले नेता शेरधन राईले जानकारी दिनुभयो ।
बैठकले माओवादीले चालेको कदम दुर्भाग्यपूर्ण भएको निष्कर्षसहित देशलाई गम्भीर दुर्घटनामा फसाउन खोजेको आरोप समेत लगाएको छ ।
बैठकमा संविधानको मर्म र भावना अनुसार अघि बढ्ने निर्णय भएको राईले बताउनुभयो । बैठकमा एमाले संसदीय दलका नेता समेत रहेका प्रधानमन्त्री ओलीले संविधान कार्यान्वयनको समयमा माओवादी केन्द्रले सरकारलाई धोका दिएर सहकार्य तोडेको टिप्पणी गर्नुभएको थियो ।
ओलीले पछिल्ला दुई दिनमा विकसित घटनाको बारेमा जानकारी गराउनु भएको थियो ।
