काठमाडौ, ३० असार ।
राष्ट्र बैंकले आज आगामी आर्थिक वर्षको मौद्रिक नीति सार्वजनिक गर्ने तयारी गरेको छ ।
राष्ट्र बैंक सञ्चालक समितिको आज बिहान बसेको बैठकले मौद्रिक निति स्वीकृत गरेपछि दिउसो दुई बजे सार्वजनिक गर्न लागेको हो ।
आगामी आर्थिक बर्ष बैंक तथा वित्तिय संस्थामा कृषि र उर्जामा लगानी बनाउने उदेश्य सहित केन्द्रिय बैंकले आज मौद्रिक निती सार्वजनिक गर्न लागेको प्रवत्ता त्रिलोचन पंगेनीले जानकारी दिनुभयो ।
सरकारले बजेट मार्फत निर्धारण गरेको वित्तीय नीतिलाइ कार्यान्वयन गर्न केन्दीय बंैकले मौद्रिक नीति ल्याउने गर्छ ।
सरकारले आगामी आर्थिक बर्षको बजेटमा कृषि र उर्जालाई उच्च प्राथमिकता दिए पछि राष्ट्र बैंकले मौद्रिक नीति मार्फत बैंक तथा वित्तीय संस्थाहरुका लगानीे सीमा बढाउने तयारी गरेको हो ।
यस अघि बैंक तथा वित्तीय संस्थाले कृषिका लागि न्यूनतम १२ प्रतिशत लगानी बढाएर २० प्रतिशत पुर्याउन लागिएको राष्ट्र बैंक स्रोतले जानकारी दिएको छ ।
केन्द्रिय बैंकले बैंकहरुको अनिवार्य नगद मौज्दात शुन्य दशमलव ५ प्रतिशतदेखि एक प्रतिशतसम्म बढाउने तयारी गरेको छ ।
मुद्रास्फीति दरलाई वार्षिक औषत ८ प्रतिशत कायम राख्दै ६ प्रतिशतको आर्थिक वृद्धिदर हासिल गर्ने अघिल्लो मौद्रिक नीतिले लक्ष्य राखेको थियो ।
