काठमाडौं, असार २९।
नयाँ सरकार गठनको विषयमा छलफल गर्न नेपाली कंग्रेसको केन्द्रिय समितिको बैठक आज बस्दै छ । बैठक नयाँ बानेश्वरस्थित संसद भवनमा केहि बेरमा बस्दै छ ।
एमाले नेतृत्वको सरकारबाट नेकपा माओवादी केन्द्र बाहिएपछि सरकार गठनका विषयमा छलफल गर्नका लागि कांग्रेस केन्द्रीय समितिको बैठक बस्न लागेको हो ।
बैठकमा माओवादी सरकारबाट बाहिरिसकेकाले अब कसरी अघि बढ्ने भन्ने विषयमा समेत छलफल हुने कंग्रेस केन्द्रिय सदस्य विश्व प्रकाश शर्माले जानकारी दिनु भयो ।
शर्माका अनुसार बैठकको पहिलो एजेन्डा नै माओवादी सरकारबाट बाहिरिएपछि उत्पन्न परिस्थितिमा नयाँ सरकार कसरी गठन गर्ने भन्ने विषय रहेको बताउनु भयो ।
बैठकमा माओवादी केन्द्रको नेतृत्वमा सरकारमा जाने वा आफ्नै नेतृत्वमा सरकार गठन गर्ने भन्ने विषयमा कांग्रेसभित्र दुई खाले धारणा रहेकाले यस विषयमा पनि गहन रुपमा छलफल हुनेछ ।
