काठमाण्डौ, २७ असार ।
प्रधानमन्त्री केपी शर्मा ओली र माओवादी केन्द्रका अध्यक्ष पुष्पकमल दाहाल प्रचण्डबिच प्रधानमन्त्रि निवास वालुवाटारमा छलफल जारीे छ ।
बजेट पारित भएपछि सत्ता हस्तान्तरण गर्ने भएको भनिएको भद्र सहमतिबारे उहाँहरुविच छलफल भईरहेको प्रधानमपन्त्रिका प्रेस सल्लाहकार प्रमोद दाहालले रेडियो मिर्मिरेलमाई जानकारी दिनुभयो ।
छलफलका लागि प्रधानमन्त्रि ओली र प्रचण्ड दुवैले बिहानैदेखि आन्तरिक छलफल तीव्र पानुृभएको थियो । यसअघि आइतबार बेलुका बसेको सत्तारुढ दलको बैठकले गठबन्धनमा देखिएको खटपट र मतभेद किनारा लगाउन दुई पार्टीका शीर्ष नेतालाई जिम्मेवारी दिएको थियो ।
आइतबारको बैठकमा माओवादीले पहिले भएको सहमति अनुसार सत्ताको नेतृत्व हस्तान्तरण गर्न दबाब दिएको थियो । तर एमाले नेताहरुले भने त्यस्तो सहमति नभएको भन्दै आपसी असमझदारी हटाएर अहिलेकै सरकारलाई निरन्तरता दिन आग्रह गरेको थियो ।
