नेपालगन्त्र ,२३ असार ।
भारतले रेलको लिग मर्मत तथा विस्तार गर्ने भन्दै नेपालगन्ज जोड्ने रेल सेवा पहिलो पल्ट बन्द गरेको छ । सेवा बन्द गरेपछि रुपैडिहा—गोण्डासम्मको सोझो रेल सम्पर्क चार दिनदेखि टुटेको छ ।
अंग्रेजकालिन रेलको लिक निकै पुरानो लिगको मर्मत तथा विस्तार कार्य सुरु गरिसकेको छ । भारत सरकारले रुपैडिहा—गोण्डासम्मको पुरानो रेल सेवा हटाएर ब्रोड गेजको (बडीलाईन) सेवा सञ्चालन गर्ने निर्णय गरिसकेको छ ।
नेपालगन्जसँग जोडिएको रुपैडिहादेखि गोण्डासम्मका लागि छोटी लाईन (सानो) रेल सञ्चालन हुँदै आएको थियो । गोण्डा रेलवे स्टेशनल सिंगो भारतलाई जोडेको छ ।
हाललाई नेपालगन्ज—गोण्डासम्मको सोझो सम्पर्क बन्द रहेपनि नयाँ सेवा बिस्तारपछि दिल्लीबाट मालबाहक रेल गाडी सोझै नेपालगन्जको सीमासम्म आइ पुग्ने छ ।
भारतबाट खाद्यन्न, फलामलगायतका निर्माण सामाग्री रेल सिधै सीमामा र्पुयाएपछि मुल्यमा पनि फरक पर्ने व्यवसायीहरु बताउँछन् । बाँकेका प्रमुख जिल्ला अधिकारी रबीलाल पन्थले नेपालगन्ज जोड्ने रेल सेवा भारतले बन्द गरेको बारे जानकारी नभएको बताउनुभयो ।
गोण्डाबाट नेपालगन्ज सीमासम्मका लागि बिहान साढे ६, दिउँसो १२, साँझ साढे ५ र राति १० वजे गरी छोटी लाईनका चार वटा रेलले सञ्चालनमा थिए ।
