काठमाडौं, १९ असार ।
सरकारी स्वामित्वको नेपाल आयल निगमले सरकारसँग बिभिन्न समयमा लिएको ८० करोड रुपैयाँ ऋण असार मसान्तसम्ममा चुत्ता गर्ने तयारी गरेको छ ।
पछिल्लो बर्ष इन्धन बिक्रीमा नाफा कमाएपछि निगमले अहिलेसम्मको सबै बक्यौदा कर्जा चुक्ता गर्न लागेको हो । चाुलु आर्थिक बर्षमा सबै ऋण तिरेपछि निगम १४ वर्षपछि ऋण मुक्त हुने निगमका प्रवक्ता मुकुन्द घिमिरेले बताउनु भयो ।
२०५८ साल देखि चरम राजनीतिक हस्तक्षेपमा परेको निगम इन्धन आपूर्तिका क्रममा नाफा कमाउन नसकेपछि ३६ अर्व रुपैयाँ घाटामा गएको थियो ।
२०७१ सालदेखि निरन्तर नाफामा रहेको निगमले अहिले सम्मको सरकारका विभिन्न निकायबाट लिएको कर्जा तिर्न सफल भएको हो । तिर्न बाँकी ८० करोड रुपैयाँ ऋण यो साताभित्रमा चुत्ता गरिसक्ने आयल निगमले जनाएको छ ।
पछिल्लो समय मुल्य समायोजन प्रक्तियामा गएसंगै आयल निगम निरन्तर नाफामा गएको थियो ।
व्यवथापकीय कमजोरीका कारण हुने चुहावट र राजनीनिक दवावका कारण बिगतमा मंहगोमा आयात गरि सस्तोमा बिक्रि गर्ने बाध्यताका कारण निगमले बिगतमा ठुलो नोक्सानी व्यहोर्नु परेको थियो ।
नाफामा गएसंगै आयल निगमले आगामी आर्थिक वर्षका लागि विभिन्न सुधारात्मक अभियान समेत शुरु गर्ने जनाएको छ ।
पेट्रोलियम पाईपलाई निर्माणका लागि नेपाली पक्षले गर्नुपर्ने कामको थालनी आगामी आर्थिक वर्षबाट सुरु गर्नुका साथै आन्तरिक सुधार अभियान पनि शुरु गर्ने प्रवक्ता घिमिरेले जानकरी दिनुभयो ।
