काठमाण्डौ,असार १६ ।
ब्यावस्थापिका संसदको बैठक आज पनि बस्दै छ । नयाँ बानेश्वर स्थित संसद भवनमा बिहान ११ बजे पछि बस्ने बैठकमा बिभिन्न थप सात मन्त्रालयको विनियोजन विधेयकमाथि छलफल हुने कार्यसुची छ ।
भुकम्पपिडितलाई पुननिर्माणका लागी एकमुष्ठ दुई लाख दिन माग गर्दै प्रमुख प्रतिपक्षी दल नेपाली काग्रेसको अवरोधका कारण पाच दिन संसद बैठक अवरुद्ध भएको थियो ।
भुकम्पपिडितलाई दुई किस्तामा राहत उपलब्ध गराउने बिषयमा दलहरु विच सहमती भए सँग थप सात वटा मन्त्रालयको विनीयोजित विधेयक माथिको छलफल हिजो पुनः सुरु भएको हो ।
आजको बैठकमा शान्ति तथा पुननिर्माण , शिक्षा , बृहत वन तथा भू निर्माण , खानेपानी तथा सरसफाइ, श्रम तथा रोजरागार र अर्थ मन्त्रालय अन्तरगत छुट्याइएकोृ बजेट माथि सांसदले धारण राख्नेछन् ।
यसअघि १५ वटा मन्त्रालय माथिको विनियोजित विधेयक बारेको छलफल सकिएको छ ।
कग्रेसको अवरोधका कारण विनियोजित विधेयक माथिको छलफल प्रभावित बनेपछि पुर्ण बजेट पारित कार्यक्रम दुइ दिन पछि सारेको संसद सचिवालयले जनाएको छ ।
आगामी २१ गते सम्म विनियोजित विधेयक माथिको छलफल गर्ने, २२ गते देखि २४ गते सम्म छलफलका क्रममा उठेका प्रश्नको संम्बन्धित मन्त्रीले जवाफ दिने र २४ गते नै आगामी आर्थिक वर्षको पूर्ण बजेट पारित गर्ने कार्यतालिका रहेको संसद सचिवालयका सह प्रवक्ता सुदर्शन कुइकेलले जानकारी दिनु भयो ।
यस अघि १७ गतेसम्म छलफल सक्ने,१९ गते देखि २२ गते सम्म सम्बन्धित मन्त्रीले जवाफ दिने र २२ गते पूर्ण बजेट पारित गर्न कार्यतालिका तय भएको थियो ।
