काठमाडौ, १३ असार ।
श्रम मन्त्री दीपक बोहरा सहितको टोली आज मलेसिया जाँदै हुनु हुन्छ । फ्रि भिषा र टिकटमा नेपाली कामदार पठाउनु पर्ने सरकारी निर्णय पूर्ण रुपमा कार्यान्वयन गराउन भन्दै मन्त्रीसहितको टोली मलेसिया जान लाग्नु भएको हो ।
मन्त्रीसहित मन्त्रालयका तर्फबाट पाँच जना र पाँच जना बैदेशिक रोजगार ब्यवसायीहरुलाई लिएर मन्त्री बोहरा मलेसियाका उपप्रधान तथा गृहमन्त्रीको निम्तामा त्यस तर्फ जान लागेको मन्त्रालयले जनाएको छ ।
उहाँसँगै बैदेशिक रोजगार ब्यवसायी संघका अध्यक्ष विमल ढकाल, महासचिव रोहन गुरुङ्ग र पूर्व अध्यक्ष तिलक रानाभाट, महम्मद जुनेद, एमएस कार्कीसहितका ब्यवसायीहरु पनि जाँदैछन ।
मन्त्रालयका तर्फबाट सहसचिव गोविन्द मणी भुर्तेल, बैदेशिक रोजगार प्रर्वदन बोर्डका बद्री बहादुर कार्की, बैदेशिक रोजगार विभागका निर्देशक रमा भट्टराई लगायतका मलेसिया जान लागेको श्रम मन्त्रालयले जनाएको छ ।
मन्त्री बोहराको टोली विहीबार स्वदेश फर्किने कार्यक्रम छ ।
