काठमाडौ १३ असार ।
पटक पटक स्थगित व्यवस्थापिका संसदको बैठक आज पनि बस्दैछ । दिउँसो एक बजेपछि बस्ने आजको बैठकमा विभिन्न मन्त्रालयगत रुपमा विनियोजित रकमबारे छलफल गर्ने कार्यसुची रहेको छ ।
यद्यपी प्रतिपक्षी दल नेपाली कांग्रेसले आजको संसद बैठक पनि अवरोध गर्ने तयारी गरेका छन् ।
कांग्रेसले भूकम्प पिडितलाई दिने भनिएको रकम एकमुष्ठ रुपमा उपलब्ध गराउन माग गर्दै लगातार सदन अवरुद्ध गरेपछि विनियोजन विधेयकमाथिको छलफल प्रभावित हुदै आएको छ ।
यसअघि हिजो पनि पटक पटक स्थगित भएको बैठक एजेन्डमा प्रवेश गर्न सकेन । हिजोको बैठकमा प्रधानमन्त्री केपी शर्मा ओलीले सदनलाई सम्बोधन गर्ने तयारी समेत भएको थियो ।
तर कांग्रेसले बैठक सन्चालन हुन नदिएपछि प्रधानमन्त्रीको सम्बोधन पनि प्रभावित हुदै आएको छ । आजको बैठकमा विभिन्न सात ओटा मन्त्रालयका लागि छुट्याएको रकमबारे छलफल गर्ने तयारी छ ।
