काठमाडौ १२ असार ।
संसदीय सुनुवाई विषेश समितिको बैठक आज बस्दैछ । बिहान ९ बजेपछि सिंहदरबारस्थित समितिको कार्यलयमा बस्ने बैठकमा न्यायपरिषद सदस्य पदमा यसअघि प्रस्तावित रामप्रसाद सिटौलाको विषयमा छलफल हुने बताइएको छ ।
तत्कालिन प्रधानमन्त्री सुशिल कोइराला नेतृत्वको सरकारले सिटौलाको नाम प्रस्ताव गर्नु भएपनि संसदीय सुनुवाई समिति गठन हुन बाँकी रहेको भन्दै प्रधानमन्त्री केपी शर्मा ओलीले उहाँको नाम फिर्ता गर्नुभएको थियो ।
सुनुवाई समिति बनिसकेको अवस्थामा सिटौलाको विषयमा के गर्ने भन्ने बारेमा आजको बैठकले निर्णय गर्ने समितिले जनाएको छ ।
आफ्नो नेतृत्वको सरकारले सिटौलालाई परिषद सदस्यमा गरेको सिफारिस प्रधानमन्त्री ओलीले फिर्ता गरेको भन्दै प्रतिपक्षी काग्रेसले असन्तुष्टी जनाउदै आएको थियो ।
न्याय परिषदमा दुई ओटा सदस्य पद रिक्त रहेकाले न्यायाधिशहरुको नियुक्ति, सरुवा बढुवा लगायतका कामकारबाही प्रभावित हुदै आएको छ ।
