जेष्ठ २१ काठमाण्डौं । अध्यक्ष पल्टन ठाकुर र उपाध्यक्ष सिता शरण ठाकुर राजेन्द्र महतोको सद्भावना पार्टीमा प्रवेश गरे पछि संघीय समाजवादी पार्टी निकट मधेशी ट्रेड युनियनको नेतृत्व र नाम परिवर्तन भएको छ ।
यही जेष्ठ १५ र १६ गते भएको दोस्रो राष्ट्रिय सम्मेलन तथा मजदुर भेलाले ठाकुर द्धयलाई संगठनको आचरण विपरीत कार्य गरेको भन्दै साधारण सदस्यबाट समेत बर्खास्त गर्ने निर्णय गरेको थियो ।
सम्मेलनले संगठन नया तरीकाबाट अघि बढाउन गरेको निर्णय अनुसार राम बहादुर तामाङको अध्यक्षतामा श्रमजीवी ट्रेड युनियन महासंघ नेपाल गठन गरेको हो ।
जसको निर्णय जेष्ठ २२ गते शनिबार राजधानीमा दिउसो एक पत्रकार सम्मेलनको आयोजना गरी सार्वजनिक गरिने अध्यक्ष राम बहादुर तामाङले जानकारी दिनु भयो ।
-
- अध्यक्ष राम बहादुर तामाङ बीचमा, दाया तर्फ उपमहासचिवद्धय निरज बस्नेत (बि.सी)र कुल बहादुर बस्नेत र बाया तर्फ सह सचिव सुरेश
राम बहादुर तामाङको अध्यक्षतामा हिमाल, पहाड र तराई मधेशबाट पिछडा वर्ग, दलित , जनजाति। मधेशी, खस सबै समुदायको प्रतिनिधित्व हुने गरी ३५ सदस्यीय केन्द्रीय समिति बनाईएको संगठनको दावी छ । यस बाहेक ५ जना सल्लाहकार समेत छन् ।
अध्यक्ष तामाङले आफूहरु देशको समावेशी चरित्र जस्तै मजदुर संगठनलाई पनि समावेशी बनाउदै मजदुरहरुको हक हित र अधिकारका लागि सधै प्रतिवद्ध भएर लाग्ने बताउनु भयो ।
सो संगठन तीन वर्ष अघि श्रम विभागमा दर्ता भएको थियो ।
