काठमाण्डौ ,१३ वैशाख ।
गृहमन्त्री शक्ति बहादुर बस्नेतले संबिधानमा देखिएको असमझदारी र मधेश आन्दोलनलाई समाधान गर्न सहज नभएको प्रतिक्रिया दिनुभएको छ ।
बुटवलमा आज आयोजीत पश्चिमाञ्चल स्तरीय विशेष सुरक्षा गोष्ठीमा बोल्दै उहाँले संविधान जारी भएपछि देखीएको अन्योलता अन्त्य गर्न सबैको सहयोग आवश्यक रहेको बताउनु भयो ।
आर्थिक विकास, सुशासन र सामाजिक न्यायलाई अघि बढाउन सुरक्षा, प्रशासन लगायत सबै क्षेत्रबाट लाग्नुपर्ने गृहमन्त्री बस्नेतको जोड थियो ।
नेपाली जनताको शान्ति र सम्बृद्धिलाई ध्यानमा राखेर बनाईएको केन्द्रीय सुरक्षा नीति र योजना क्षेत्र र जिल्ला तहमा पनि सबैले आत्मसाथ गर्न गृहमन्त्रीले आग्रह समेत गर्नुभयो ।
अधिकांश जनताको भावना र आवश्यकता समेटेर बनेको संविधानको विरोध गर्दै अझैपनि आन्दोलनको हल्ला चलाउनुको कुनै अर्थ नहुने मन्त्री बस्नेतको भनाई थियो ।
अबको समय शान्ति, लोकतन्त्र र संवृद्धिको प्रवद्धनमा खर्चनु पर्नेमा पनि उहाले जोड दिनुभयो ।
