काठमाडौ २५ चैत्र । आज विश्व स्वास्थ्य दिवस, नेपालमा पनि विविध कार्यक्रमको आयेजना गरी मनाइदैछ । दिवसका अवसरमा स्वास्थ्य मन्त्रालय, स्वास्थ्य विभाग तथा मातहतका निकायहरुले आज विविध कार्यक्रमको आयोजना गरेका छन् ।
दिवसको यस वर्षको नारा “मधुमेह रोकथाम गरौ, समयमै उपचार गरी आफ्नो नियन्त्रणमा राखौं” भन्ने तय गरिएको छ । विश्वमा मधुमेह रोगीको संख्य बढ्दो क्रममा रहेको विश्व स्वास्थ्य संगठनले जनाएको छ ।
यसैबीच दिवसका अवसरमा शुभाकामना दिनु हुदै स्वास्थ्यमन्त्री रामजनम चौधरीले हाल नेपालमा पनि मधुमेह रोग दिनानु दिन बढ्दो क्रममा रहेको बताउनु भयो ।
परिवर्तित जीवन शैली, अस्वस्थकर खानपिन, धुम्रपान र मदिरापान तथा कम शारिरीक परिश्रमका कारण मधुमेह रोग बढ्दै गएको भन्दै यसको नियन्त्रणका लागि आ–आफ्नो क्षेत्रबाट हातेमालो गरी अघि बढ्न आह्वान समेत गर्नु भएको छ ।
