चैत्र २२ काठमाण्डौं । सरकारले पटक पटक सीमित ट्रेड युनियनसग‘ मात्र परामर्श गरी ट्रेड युनियनको निर्वाचन तोकेको भन्दै चार वटा संगठनहरुले धर्ना शुरु गरेका छन् ।
बिहान १० बजेदेखि नै सबै कर्मचारीका प्रतिनिधिहरु सहित धर्ना शुरु गरिएको चार वटै संगठनका प्रवक्ता प्रवास शाहले जानकारी दिनु भयो ।
धर्ना स्थल सिंहदरबार भित्र ठूलो मात्रामा सुरक्षाकर्मी परिचालन गरिएको छ । हिजो साझ उनीहरुले प्रमुख निर्वाचन अधिकृतको कार्यलयमा तालाबन्दी गरेका थिए ।
नेपाल राष्ट्रिय कर्मचारी संगठन, मधेशी निजामति कर्मचारी मञ्च, राष्ट्रसेवक कर्मचारी संगठन र राष्ट्रिय कर्मचारी संगठनले सीमित टे«ड युनियनलाई मात्रै समेटेर बैशाख १० गतेलाई चुनाव सारेको भन्दै विरोध जनाएका हुन् ।
आफूहरुको माग पूरा नभए सम्म आन्दोलन जारी राख्ने ती संगठनले चेतावनी दिएका छन् ।
ट्रेड युनियन समावेशी चरित्रको हुनु पर्ने , २० प्रतिशत थ्रेसहोल्ड राख्न नहुने जस्ता माग ती संगठनहरुले राखेका छन् ।
