बनेपा, १७ चैत ।
काभ्रेपलाञ्चोकमा दुई महिनाको अवधिमा प्रहरीले अदालतबाट दोषी ठहर भएका ३० जना फरार अपराधीलाई पक्राउ गरेको छ ।
गत मङ्सिर १० गतेदेखि अहिलेसम्म उनीहरूलाई फरकफरक स्थान तथा मितिमा कर्तव्यज्यान, जबर्जस्ती करणी, बैंकिङ कसुर, ठगी र लागुऔषधलगायतका विभिन्न मुद्दाका फरार अपराधीलाई प्रहरीले पक्राउ गरेको हो ।
फरार अपराधीबाट दुई महिनाको अवधिमा कुल १४ वर्ष ११ महिना २६ दिन कैद भुक्तान असुल गरिएको र उनीहरूसँग सोही अवधिमा कुल रु १० करोड ३० लाख ६७ हजार ११५ जरिवानासमेत असुल गरिएको जिल्ला प्रहरी कार्यालयका प्रहरी उपरीक्षक राजेशनाथ वास्तोलाले जानकारी दिनुभयो ।
उहाँले जिल्लामा अझै फरार अपराधीको सङ्ख्या ६१० रहेको उल्लेख गर्दै पक्राउ गर्न गाउँगाउँमा समेत प्रहरी परिचालन गरिएको बताउनुभयो ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
