भक्तपुर, ५ चैत्र ।
भक्तपुरको लोकन्थलीमा बट्टा सप्लायर्सका सञ्चालक कृष्णलाल डंगोल निर्धा्रित मुख्य भन्दा बढि मुल्यमा ग्याँस बिक्रि गरिरहेको अवस्थामा पक्राउ परेका छन् ।
आज बिहान डंगोललाई तोकिएको मुल्य भन्दा बढीमा ग्यास बेचेपछि रगेंहात पक्राउ गरिएको आपुर्ति व्यवस्थापन तथा उपभोक्ता हित संरक्षण बिभागका निर्देशक लक्ष्मण श्रेष्ठले बताउनु भयो ।
आज बिहान करिब ११ बजे आपुर्ति बिभागका निर्देशक श्रेष्ठ आफै ग्राहक बनेर जाँदा डंगोलले बढी मूल्यमा उहालाई ग्यास बेचेपछि तत्काल प्रहरीले डंगोललाई पक्राउ गरेको हो । डंगोलले ग्याँस बढि मुल्यमा बिक्रि गरिरहेको भन्ने सुचनाका आधारमा निर्देशक श्रेष्ठ ग्याँस डिपो मै पुग्नुभएको थियो ।
बाबा ग्याँस बिक्रेता डंगोलले ३ हजार ५ सय रुपैयाँ पर्ने भरि सिलिन्डरलाई ४ हजार २ सय रुपैयामा बेच्ने गरेका थिए । पक्राउ परेका डंगोललाई प्रहरी चौकी लोकन्थलीमा बुझाईएको छ ।
उनलाई कालाबजारी ऐन अन्तर्गत ५ बर्षको जेल सजाय तथा जरिवाना हुने प्रावधान अनुसार कारवाही अगाडि बढाईएको प्रहरीले जनाएको छ ।
