काठमाडौ ४ चैत्र । परीक्षा नियन्त्रण कार्यलय सानोठिमीले यसवर्षको एसएलसी परीक्षाको तालिका सार्वजनिक गरेको छ । तालिका अनुसार परीक्षा आगामी चैत्र १८ गते देखि २९ गतेसम्म सन्चालन हुनेछ ।
तालिका अनुसार पहिलो दिन चैत्र १८ गते अनिवार्य अंग्रेजी विषयको परीक्षा हुनेछ । यस्तै १९ गते नेपाली, २१ गते गणित, २२ गते विज्ञान, २३ गते अनिवार्य सामाजिक , २४ गते स्वास्थ्य तथा जनसंख्या शिक्षा विषयको परीक्षा हुनेछ ।
चैत्र २५ गते ऐच्छिक प्रथम विषयको परीक्षा सन्चालन हुनेछ भने २६ गते ऐच्छिक द्धितीय तथा २७, २८ र २९ गतेसम्म प्राविधिक तर्फका बाँकि विषयको परीक्षा सञ्चालन हुने परीक्षा नियन्त्रण कार्यलयले जनाएको छ ।
परीक्षा बिहान ८ बजेदेखि ११ बजेसम्म हुनेछ । यो वर्षदेखि एसएलसी परीक्षाको नतिजा लेटर ग्रेडिङमा सार्वजनिक गरिने परीक्षा नियन्त्रण कार्यालय भक्तपुरले जनाएको छ ।
परीक्षा सन्चालनका लागि देशभर १ हजार ४ सय ४३ परीक्षा केन्द्र निर्धारण गरिएको छ । जसमध्ये सबैभन्दा धेरै काठमाडौंमा ९५ केन्द्र छन् भने सबै भन्दा कम मनाङ् र मुस्ताङ्मा एक एक केन्द्र निर्धारण गरिएको छ ।
परीक्षामा कूल ६ लाख १५ हजार र प्राविधिक एसएलसी तर्फ तीन हजार दुई सय ५५ जना विद्यार्थी सहभागी हुँदैछन् ।
