काठमाण्डौ,१९ फागुन ।
नेपाली कांग्रेसको १३ औँ महाधिवेशनमा सभापतिका प्रत्यासीहरुले आगामी दिनमा पार्टीमा बृहत एकता कायम गरी पार्टीलाई अघि बढाउने बताएका छन ।
पार्टी केन्द्रीय कार्यालय सानेपामा आयोजित पत्रकार सम्मेलनमा सभापतिका प्रत्यासीहरु कार्यबाहक सभापति रामचन्द्र पौडेल, वरिष्ठ नेता शेरबहादुर देउवा र महामन्त्री कृष्णप्रसाद सिटौलाले महाधिवेशनबाट जसले नेतृत्व लिएपनि पार्टीमा बृहत एकता कायम गरी अघि बढ्ने बताएका छन ।
कार्यबाहक सभापति पौडेलले पार्टीको सांगठनिक सुदृढीकरण गर्दै एकताबद्ध रुपमा पार्टीलाई अघि बढाउने बताउनुभयो । यस्तै संविधान बमोजिम कंग्रेसको विधान परिमार्जन गरिने र संविधानप्रति विभिन्न समुदायले देखाएको असन्तुष्टी सम्बोधन गर्न कंग्रेसले प्रभावकारी भूमिका निर्वाह गर्ने उहाँको भनाई थियो ।
बरिष्ठ नेता देउवाले समावेशीताको पार्टीको संरचनामा लागु गर्ने आफ्नो योजना रहेको भन्दै सबै पक्षको सम्मान गरी अघि बढ्ने आफ्नो योजना रहेको बताउनुभयो । सीमांकन लगायतका मुद्दामा देखिएका असन्तुष्टी सम्बोधन गर्न पार्टी थप शसक्त हुने उहाँको भनाई थियो ।
सभापतिका अर्का प्रत्यासी महामन्त्री कृष्णप्रसाद सिटौलाले महाधिवेशनको परिणामलाई स्विकर गरी पार्टी्भित्र वृहत एकता कायम गर्न भूमिका निर्वाह गर्ने उल्लेख गर्नुभयो ।
