काठमाडौँ, १४ फागुन ।
काष्ठमण्डप एयरलाइन्सको नाइन.एन.ए.जेवि.को एअर विमान कालिकोटमा दुर्घटना भएको छ । दुर्घटनामा दुई जनाको मृत्यु भएको छ । मृत्यु हुनेमा पाइलट दिनेश न्यौपाने र को पाइलट सन्तोष राना रहनुभएको छ ।
विमानमा खरावी आएपछि आकस्मिक अवतरण गर्ने क्रममा ‘चिलखाया गाविस २ मा दुर्घटना भएको हो । नेपालगञ्जबाट जुम्लाका लागि उडेको विमानमा ११ जना सवार थिए । विमान १२ बजेर २७ मिनेटमा नै सम्पर्क्विच्छेद भएको थियो । दुर्घटनामा ९ जना घाइते भएका छन् ।
घाईते हुनेहरुमा जुम्ला चन्दननाथ नगरपालिका ६ का जगदम्बा खत्री गिरी, उनका श्रीमान मेघराज गिरी र १७ महिनाका छोरा प्रविण गिरी, चन्दननाथ नगरपालिका ५ का गणेश भट्टचन र उनकी १८ वर्षकी छोरी सोनामी भट्टचन, धनञ्जय केसी, चन्दननाथ ८ कार्कीवाडाकी लक्ष्मी सुनार, त्यस्तै जुम्लाको पद्मारा गाविसका लक्ष्मण खड्का, नुवाकोट थानसिंह गाविस ३ घर भइ काठमाडौंको स्वयम्भू बस्ने धुव्रप्रसाद भण्डारी रहनुभएको छ ।
