काठमाण्डौ,१२ फागुन ।
बिहानदेखी हराइरहेको तारा एयरको बिमान म्याग्दीमा दुर्घटनामा परेको आशंका गरिएको छ । पोखराबाट जोमसोमका लागि उडेको तारा एयरको विमान बिहानदेखी सम्पर्कबिहिन छ । म्याग्दिको दाना गाविस १ चोली घोप्टेभिरमा दुर्घटना भएको आशंका गरिएको हो ।
पोखरा विमानस्थलबाट आज बिहान ७ बजेर ५० मिनेटमा जोमसोमको लागि उडेको ढल्ब्ज्ज् कलसाईन भएको ट्ीवनअटर विमान १० मिनेटपछि सम्पर्क्बिहीन भएको थियो । घोप्टेभिरमा ठूलो आवाज सहित आगोको मुस्लो देखिएको भन्ने स्थानीयको खबरका आधारमा त्यसतर्फ सुरक्षाकर्मी परिचालन गरिएको प्रहरीले जनाएको छ ।
एक स्थानियले प्रहरीलाइ विमान दुर्घटना भएको हुनसक्ने भनि सूचना दिएपछि त्यसतर्फ सुरक्षाकर्मी पठाइएको सुरक्षा अधिकारीले बताएका छन । विमानमा चलकदलका ३ सदस्यसहित २३ जना सवार थिए । २० यात्रुमध्ये २ विदेशी नागरिक र २ बालबालिका छन् ।
चालक दलका सदस्यमा पाइलट रोशन मानन्धर, को–पाइलट विकेश नेमकुल र एयरहोस्टेज रमा रावल रहेको पोखरा विमानस्थलका प्रशासकीय अधिकृत काशीनाथ पौडेलले जानकारी दिनुभयो ।
यसैबिच खराब मौसमका कारण सम्कर्पबिहिन विमानको खोजीमा समस्या भएको छ । बिमानको खोजी तथा उद्धारका लागि गएका दुई वटै हेलिकोप्टर पोखरा फर्किएका छन्। खराब मौसमका कारण खोजीका लागि गएका डाइनेस्टी र नेपाली सेनाको हेलिकोप्टर पोखरा फर्किएका छन । स्थल मार्गबाट सेना, पुलिस र सशस्त्र प्रहरी खोजीमा खटिएका छन ।
