काठमाडौ १० फागुन ।
सत्तारुढ दल एकिकृत नेकपा माओवादीको स्थायी कमिटीको बैठक अहिले बसिरहेको छ । अध्यक्ष पुष्पकमल दाहालको लाजिम्पाट स्थित निवासमा जारी बैठकमा बोल्न बाँकी सदस्यहरुले धारणाक्रम जारी रहेको बताइएको छ ।
सदस्यहरुले बोल्नेक्रम सकिएपछि आजै अध्यक्ष दाहालले धारणा राख्ने कार्यसुची रहेको पार्टी प्रवक्त दिनानाथ शर्माले जानकारी दिनुभयो ।
गत शुक्रबारदेखि जारी बैठकमा बोल्ने अधिकांश नेताहरुले सरकारको समग्र कार्यशैलीको समिक्षा गर्दै आलोचना गरेका छन् । उनीहरुले सत्ता साझेदार दलसँग सरकारको सम्बन्ध तथा व्यवहारको समेत आलोचना गरेका हुन् ।
यसअघि हिजोको बैठकमा पनि सरकारमा सहभागी पार्टीका नेताहरुको कार्यशैलीबारे छलफल भएको थियो । नयाँ संघिय संरचना अनुसार कार्यविभाजन गरेको एमाओवादीले स्थायी कमिटी बैठकबाट नयाँ कार्ययोजना ल्याउने तयारी समेत गरेको प्रवक्त शर्माले बताउनु भयो
