काठमाडौ ९ फागुन ।
भारत भ्रमणमा रहनु भएका प्रधानमन्त्री केपी शर्मा ओली आज उत्तराखण्ड जाँदै हुनुहुन्छ ।
विश्वकै लामोमध्येको एक उत्तराखण्डस्थित भगिरथी नदी नजिकको एक हजार मेगावाटको तेरी जलविद्युत् बाँधको अवलोकनका लागि उहाँ त्यसतर्फ प्रस्थान गर्न लाग्नु भएको हो ।
प्रधानमन्त्री ओली आजै नयाँदिल्ली फर्केर राजनीतिक दलका नेतासँगको भेटघाटमा गर्ने कार्यक्रम रहेको छ । यसअघि हिजो उहाँले भारतीय समकक्षी नरेन्द्र मोदीसँग भेटवार्ता गर्नुभएको थियो ।
सो क्रममा उहाँले १९५० को सन्धि पुनरावलोकनको प्रस्ताव गर्नु भएको बताइएको छ । प्रधानमन्त्री ओलीको प्रस्तावमा भारतीय प्रधानमन्त्री मोदीले पनि सकारात्मक प्रतिक्रिया दिनुभएको उहाका प्रमुख सल्लाहकार विष्णु रिमालले जानकारी दिनुभयो ।
दुवैतर्फका उच्चस्तरीय व्यक्तिहरुको समेत संलग्नता रहेको वार्तामा प्रधानमन्त्रीले कालापानी र सुस्तामा नेपाली भूमी अतिक्रमण भएको प्रसंग पनि उठाउनु भएको रिमालले बताउनु भयो ।
उहाँले आज भारतस्थित नेपाली दूतावासमा नेपाली समुदाय र सञ्चारकर्मीसँग अन्तक्रिया गर्ने कार्यक्रम पनि रहेको छ ।
