काठमाडौ २४ माघ ।
आन्दोलनरत संयुक्त लोकतान्त्रिक मधेशी मोर्चाका शिर्षस्थ नेताहरुको बैठक आज बस्दैछ । पछिल्लो समय तराई मधेशमा जारी आन्दोलन मत्थर हुदै गएपछि आगामी रणनिति तय गर्न मोर्चाको बैठक बस्न लागेको हो ।
आजको बैठकले आन्दोलनको समिक्षा गर्दै भावी रणनिति तय गर्ने मोर्चाले जनाएको छ । यद्यपी बैठकको समय भने तय हुन बाँकी छ । बैठकका लागि मोर्चाका शिर्षस्थ नेता काठमाडौ आइसकेका छन् ।
यसअघि बैठक हिजो नै बस्ने भनिएकोमा संघिय समाजवादी फोरम नेपालका अध्यक्ष उपेन्द्र यादव व्यस्त रहेकाले आजका लागि सारिएको तमसपाका वरिषठ नेता रामनरेश यादवले जानकारी दिनुभयो ।
मोर्चाले बिरगन्ज नाका खोल्नका लागि आन्दोलन रोकिएको अर्थमा नबुझ्न आग्रह गर्दै आफूहरुको ११ बुँदे माग अथावत रहेको जनाएको छ ।
नाकाबन्दी फिर्ता लिदै मोर्चा आन्दोलनको स्वरुप परिवतर्न गर्ने सम्बन्धमा गृहकार्य गरिरहेको मोर्चा आवद्ध एक नेताले बताए ।
