काठमाडौ २४ माघ ।
अर्थमन्त्री विष्णु पौडेल आज भारत जाँदै हुनुहुन्छ । प्रधानमन्त्री केपी शर्मा ओलीको आगामी भारत भ्रमणको तयारीका विषयमा भारतीय पक्षसँग छलफल गर्न उहाँ त्यसतर्फ प्रस्थान गर्न लाग्नु भएको हो ।
अर्थमन्त्री पौडेल आज बिहान ९ बजे जेट एयरको विमानबाट भारत प्रस्थान गर्ने कार्यक्रम रहेको छ । भारत भ्रमणका क्रममा उहाँले विदेशमन्त्री सुष्मा स्वराज तथा भारतीय नेताहरुसँग भेटघाट गर्ने कार्यक्रम रहेको छ ।
सो क्रममा प्रधानमन्त्रीको भारत भ्रमण, दुई देशबीचको सम्बन्ध, सौलियतपूर्ण ऋण तथा भूकम्पमा पूनरनिर्माण कार्ययोजनाका विषयमा छलफल हुने अर्थमन्त्रालयले जनाएको छ ।
भारतीय प्रधानमन्त्री नरेन्द्र मोदीले नेपाल भ्रमणका क्रममा एक वर्ष अघि घोषणा गर्नु भएको एक अर्व डलर बराबरको सौलियतपूर्ण ऋण कार्यन्वयनका विषयमा पनि अर्थ मन्त्रालय स्तरमा छलफल हुने बताइएको छ ।
