काठमाण्डौ,१९ माघ ।
काठमाण्डौ र सुनसरीमा भएको सवारी दुर्घटनामा ३ जनाको मुत्यु भएको छ । सुनसरीको इटहरीमा ट्रिपरको ठक्करबाट बिहान दुइ जनाको मुत्यु भएको हो ।
धरानबाट इटहरीका लागि छुटेको को १३ प ९१ १९ नम्बरको मोटरसाइकललाई इटहरीबाट धरानका लागि छुटेको मे १ ख १८२२ नम्बरको ट्रिपरले ठक्कर दिँदा मोटरसाइकल चालक धरान–१३ का यामबहादुर राई र मोटरसाइकल पछाडी बसेकी महिलाको मुत्यु भएकोे प्रहरीले जनाएको छ ।
चालक राईको घटनास्थलमै र महिलाको उपचारको क्रममा मुत्यु भएको हो । यता राजधानीको कोटेश्वरमा बिहान भएको सवारी दुर्घटनामा एक जनाको मृत्यु भएको छ । भक्तपुरबाट काठमाडौं तर्फ आउदै गरेको बा २ ख ६९८४ नम्बरको यात्रु बसको ढोकाबाट खसेर भक्तपुर ठिमीका १७ वर्षीय सिर्जन ढकालको मृत्यु भएको प्रहरीले जनाएको छ ।
बसको ढोकाबाट खसेका ढकाललाई त्यही बसको पछाडी पट्टीको टायरले किचेको प्रहरीले जनाएको छ । बस चालकलाई प्रहरीले नियन्त्रणमा लिएको छ ।
