काठमाडौ १८ माघ । प्रधानसेनापति राजेन्द्र क्षेत्री आज भारत जादै हुनुहुन्छ ।
भारतीय स्थल सेनाध्यक्ष दलवीर सिंहको निमन्त्रणामा ६ दिने औपचारिक भ्रमणका लागि उहाँ त्यस तर्फ प्रस्थान गर्न लाग्नु भएको सैनिक मुख्यलयले जनाएको छ ।
प्रधानसेनापतिमा नियुक्ति भएपछि उहाँ पहिलोपटक विदेश भ्रमणमा जान लाग्नु भएको हो । भ्रमणका क्रममा प्रधानसेनापति क्षेत्रीलाई भारतीय स्थल सेनाध्यक्षले मनार्थ पदक प्रदान गर्ने कार्यक्रम रहेको छ ।
भारतले नेपालमाथि लगाएको अघोषित नाकाबन्दीका कारण दुई देशबीचको सम्बन्ध तनावपूर्ण रहेको अवस्थामा हुना लागेको प्रधानसेनापतिको भ्रमणलाई चासोका साथ हेरिएको छ ।
भ्रमणका क्रममा उहाँले भारतीय रक्षामन्त्री मनोहर परिकार, राष्ट्रपति प्रणव मुखर्जी, राष्ट्रिय सुरक्षा परिषदका सल्लाहकार अजित डोभल लगायतका उच्च अधिकारीहरुसँग भेट गर्ने कार्यक्रम रहेको छ ।
