काठमाडौं, १६ माघ ।
मधेसी जनता पार्टीका अध्यक्ष महेश शाह कलवारसहित ६ जनालाई प्रहरीले पक्राउ गरेको छ ।
पार्टीको पुर्व योजनाअनुरुप आज गरिएको काठमाडौंसहित मधेश बन्द कार्यक्रमलाई सफल पार्न बजार पसल बन्द गराउदै हिडेको अवस्थामा काठमाडांैको विजुली बजारबाट अध्यक्ष शाहसहित अन्य ६ प्रहरीले पक्राउ गरेको हो ।
मधेसी जनता पार्टीको बन्दको असर काठमाडौं त्यति नपरे पनि तराईका जिल्ला भने प्रभावित भएका छन ।
यसैबीच मिर्मिरेसंगको प्रतिक्रियामा अध्यक्ष शाहले आफुहरुको शान्तीपुर्ण आन्दोलमाथि राज्यले दमन गरेको आरोप लगाउनु भयो ।
उहाँले भन्नुभयो “आफुहरुले लोकतन्त्रको मुल्य मान्यतामा टेकेर गरेको शान्तीपुर्ण आन्दोलनमा राज्यले दमन गरेको छ, यसबाट प्रष्ट हुन्छ कि राज्य विखण्डन तर्फ उन्मुख भइरहेको छ ।” मधेसी जनता नै राष्ट्रियताको पक्षमा उभिदासमेत राज्य नै विखण्डनतर्फ उन्मुख हुन खोजेको उहाँको आरोप छ ।
आन्दोलनका क्रममा तराईका जिल्लाहरुबाट समेत केहि कार्यकर्तालाई प्रहरीले पक्राउ गरेको शाहले बताउनुभयो ।
मधेशको वास्तविक हक र अधिकारका लागि देश भित्र र काठमाण्डौंमा विद्रोह गर्नु पर्ने बताउदै शाहले अब मधेशी समुदाय सचेत भइसकेको दाबी गर्नुभयो ।
