दमक, १४ माघ ।
कानुनमन्त्री अग्नि खरेलले नेपालको पर्यटन प्रवद्र्धनबाट राज्यले ठूलो आम्दानी लिनसक्ने प्रचुर सम्भावना भए पनि लक्ष्य अनुरुप प्रगति हुन नसकेको बताउनुभएको छ ।
आज झापाको महारानीझोडामा चान्दु त्रिवेणी सिमसार तथा पर्यटन विकास केन्द्रले आयोजना गरेको पूर्वाधार विकास कार्यक्रमको शिलान्यास गर्नुहुँदै मन्त्री खरेलले पर्यटन प्रवद्र्धनबाट अभिवृद्धि गराउन स्थानीयस्तरमा यस्ता पर्यटकीयस्थलको विकासमा राज्यले सहयोग पु¥याउने बताउनुभयो ।
विशिष्ठ भौगोलिक बनावटले गर्दानै विश्वमा हाम्रो देश सुन्दर भएको उल्लेख गर्नुहँुदै मन्त्री खरेलले भन्नुभयो,–‘‘हामीले गाँउघरकै पर्यटकीयस्थलबाट मनग्यै आयआर्जन गर्न सक्छौँ । वर्तमान सरकार मुलुकको आन्तरिक पर्यटन प्रवद्र्धनमा जोड दिँदै आएको छ ।’’
मन्त्री खरेलले सरकारले उक्त केन्द्रलाई पर्यटकीयस्थल बनाउन आवश्यक पूर्वाधार निर्माणका लागि रु १० लाख बजेट यस वर्षनै छुट्याएको र आजदेखि आँैपचारिक रुपमा काम थालनी भएकोमा खुसी प्रकट गर्नुहुँदै आवश्यक सहयोग गर्न सरकार प्रतिवद्ध भएको बताउनुभयो ।
गौरादह नगरपालिका–७, ८, र ९ र लखनपुर गाविस–९ मापर्ने उक्त सिमसार क्षेत्रलाई पर्यटकीयस्थल बनाउने योजनाका साथ स्थानीय बासिन्दाहरुले सक्रियतासाथ काम तीव्र पारेका हुन् ।
यसैगरी, मन्त्री खरेलले आज बिहान गौरादह–७ स्थित महारानीझोडा स्वास्थ्य चौकीले भारतीय सरकारबाट उपलब्ध भएको एम्बुलेन्सको शुभारम्भ गर्नुभएको थियो ।
त्यस्तै, मन्त्री खरेलले आजै गौरादह–५ स्थित महारानीझोडा साना किसान सहकारी संस्थाको भवन शिलान्यास र बीउबिजन प्रशोधन केन्द्रकोसमेत उद्घाटन गर्नुभएको थियो ।
