माघ ४ काठमाण्डौं । नेपालको सबैभन्दा पुरानो सौन्दर्य प्रतियोगिता मिस नेपाल–२०१६ का लागि आयोजक संस्था द हिडेन ट्रेजरले रूपमा आवेदन खुला गरेको छ । राजधानीको होटल अन्नपूर्णमा आयोजित एक कार्यक्रमकाबीच मिस नेपाल प्रतियोगिताको २१औं संस्करणका रूपमा फेन्टा द हिडेन ट्रेजर मिस नेपाल–२०१६ को शुरु भएको जानकारी दिईएको छ ।
मिस नेपाल प्रतियोगितामा सहभागी हुन इच्छुक युवती १९ देखि २४ वर्ष उमेर समूहको हुनुपर्ने, शारीरिक उचाइ कम्तीमा ५ फिट ४ इन्च हुनुपर्ने छ ।
साथै कुनै पनि विवाह गरीसकेका युवतीले यस प्रतियोगीतामा भाग लिन पाउने छैनन् ।
देशका मुख्य सहर पछि फेब्रुअरी अन्ततिर राजधानीमा आवेदन दिएकाहरूको अडिसन सम्पन्न गरिने आयोजक संस्थाले जनाएको छ ।
अडिसनबाट छानिएका फाइनलिस्टहरू ६ साता लामो प्रशिक्षणमा सहभागी हुनेछन् जसमा मुख्य प्रशिक्षकका रूपमा कोरियोग्राफर रचना गुरुङ रहने छिन् ।
