काठमाडौ ४ माघ ।
नेपाल आयल निगमले पेट्रोलियम पदार्थको मुल्य घटाउने तयारी गरेको छ । अन्तर्राष्ट्रिय बजारमा कच्चा तेलको मुल्यमा भारी गिरावट आएसँगै अभावका बाबजुद निगमले मुल्य घटाउने तयारी गरेको हो ।
अन्तर्राष्ट्रिय बजारमा कच्चा तेलको मुल्य प्रतिब्यारेल ३० डलरमा झरेको छ । पट्रोलमा प्रतिलिटर चार रुपैयाँ र डिजेलमा पाँच रुपैयाँ घटाउने तयारी भएको निगम स्रोतले जनाएको छ । हवाई इन्धनको सन्दार्भमा भने निर्णय हुन बाँकी छ ।
भारतीय आयल कर्पोरेसनबाट १२ बजेअघि नै इन्धनको नयाँ मुल्य आउने र सन्चालक समिति बैठकले आजै मुल्य घटाउने सम्बन्धी निर्णय गर्ने स्रोतले जनाएको छ ।
अन्तर्राष्ट्रिय बजारमा इन्धनको मुल्यमा निरन्तर गिरावट आएसँगै आयल निगम पछिल्लो समय नाफामा रहेको छ । संचिती घाटा अत्याधिक रहेको निगमले घाटाका बाबजुद कर्मचारीलाई बोनस वितरण गर्ने निर्णय गरेको थियो ।
