पश्चिम चितवनको नारायण नगरपालिकामा बाटोमा हिँडिरहेकी किशोरीलाई गैँडाले आक्रमण गरेर घाइते बनाएको जिल्ला प्रहरी कार्यालय चितवनले जानकारी दिएको छ ।

यसरी घाइते हुनेमा नारायणी नगरपालिका–१ अन्द्रोली बस्ने वर्ष २० कि सीमा कुमाल रहेको प्रहरीले जनाएको छ ।

बाटोमा हिँडिरहेका बेला एक्कासि गैँडाले हानेर उनलाई घाइते बनाएको प्रत्यक्षदर्शीलाई उद्धृत गर्दै प्रहरीले जनाएको छ । अहिले उनको भरतपुर अस्पतालमा उपचार भइरहेको जनाइएको छ ।

गएको एक महिनामै चितवनमा गैँडाको आक्रमणबाट दुई जनाको ज्यान गएको छ भने एक जना घाइते भएका छन् ।