तनहुँ, १ माघ ।

तनहुँका एक युवकको स्वाईनफ्लुको संक्रमणका कारण मृत्यु भएको छ । राजधानीको शिक्षण अस्पतालमा उपचाररत व्यास २, दमौलीका ३६ बर्षीय एक युवकको मृत्यु भएको हो ।

पुस १७ गते एक्कासी ज्वरो आउने, टाउको तथा शरीर दुख्ने, रुघाखोकी लाग्ने लगायतका समस्या देखिएपछि उनलाई मणिपाल शिक्षण अस्पताल पोखरामा उपचारका लागि लगिएको थियो । त्यहाँ उपचार हुन नसकेपछि थप उपचारको लागि उनलाई काठमाडौंको शिक्षण अस्पतालमा राखिएकोमा उपचारका क्रममा मृत्यु भएको हो ।

‘स्वाईन फ्लुका कारण उनको मृत्यु भएको जानकारी अस्पतालले दिएको आफन्तले बताएका छन् । उनको शव आज साँझ दमौली र्पुयाईएको छ ।

सदरमुकाम दमौलीका अन्य तीन जनामा समेत स्वाईन फ्लु संक्रमणको आशंका गरिएको छ । उनीहरुको काठमाडौंका विभिन्न अस्पतालमा उपचार भईरहेको परिवारले जनाएको छ ।

भिसाको उद्देश्य विपरीत काम गर्ने १० विदेशी नागरिक निष्कासित, तीन वर्ष नेपाल प्रवेशमा प्रतिबन्ध

आज पश्चिमी वायुको आंशिक प्रभाव, पहाडी क्षेत्रमा हल्का वर्षा

भारतबाट मोटरसाइकलमा गोप्य ठाउँ बनाई ल्याइएको ३० लाखसहित एक जना पक्राउ, गौरको व्यापारिक प्रतिष्ठानबाट थप १४ लाख बरामद

वीरगञ्जमा ७ लाख रुपैयाँ बराबरका अवैध पटाका खाल्डोमा पुरेर नष्ट

‘प्रहरी र नागरिकबीचको दूरी अन्त्य होस्’

प्रदेश प्रमुखसमक्ष आदिवासी जनजाति आयोगको सातौँ वार्षिक प्रतिवेदन पेश