काठमाण्डौ, २९ पुस ।
गृहमन्त्रालयले ११ जिल्लामा प्रमुख जिल्ला अधिकारीहरुको सरुवा गरेको छ ।
भक्तपुरका तोयम रायलाई मोरङ सरुवा गरिएको छ भने झापाका तेजप्रसाद पौडेललाई भक्तपुर ल्याइएको छ ।
काभ्रेका मदन भुजेललाई झापा सरुवा गरिएको छ ।
त्यस्तै, सुर्खेतका बलदेव गौतमलाई गोर्खा र बाराका बालकृष्ण पन्थीलाई काभ्रे सरुवा गरिएको छ । प्रहरी किताबखानाका कृष्ण ढुंगानालाई बारा सरुवा गरिएको छ ।
तनहुँका महादेव पन्थलाई नवलपरासी सरुवा गरिएको छ । गृहमन्त्रालयका पुरुषोत्तम कुँवरलाई तनहुँको सिडियो बनाएर पठाइएको छ ।
बर्दियामा विष्णु थापालाई कायम मुकायम प्रमुख जिल्ला अधिकारीको जिम्मेवारी दिएर पठाइएको छ । थापा त्रिभुवन विमानस्थलको अध्यागमन कार्यालयमा थिए ।
त्यसैगरी गोरखाका उद्धव तिमिल्सिनालाई त्रिभुवन अन्तर्रा्ष्ट्रिय विमानस्थलको अध्यागमन कार्यालयमा तानिएको छ ।
त्यसैगरी मन्त्रालयको शान्ति सुरक्षा महाशाखामा यादव कोइरालालाई सरुवा गरिएको गृहमन्त्रालयले जनाएको छ ।
